XİDMƏTLƏRDƏN İSTİFADƏYƏ DAİR QAYDALAR

1. Ümumi müddəalar

Vaxtaşırı düzəliş edilə bilən və aviabazaar.az sistemindən istifadə şərtlərini ehtiva edən bu “Xidmətlərdən istifadəyə dair qaydalar” “AVİABAZAAR” MMC ilə İstifadəçi arasında münasibətləri tənzimləyən sənəddir.

Bu sənəddə “AVİABAZAAR” MMC və İstifadəçi ayrı-ayrılıqda “Tərəf”, birlikdə isə “Tərəflər” adlandırılır.

Bu qaydalarla tənzimlənən münasibətlərə, həmçinin Azərbaycan Respublikasının müvafiq qanunvericiliyi, elektron kommersiya sahəsində qüvvədə olan qaydalar və Şirkət tərəfindən dərc edilən digər hüquqi sənədlər tətbiq olunur.

2. Qaydaların qəbul edilməsi

İstifadəçi sistem üzərindən alış etməzdən öncə “Xidmətlərdən istifadəyə dair qaydalar ilə tanış oldum və qəbul edirəm” hissəsini işarələməklə bu qaydalarla tanış olduğunu və onların tələblərinə riayət etməyi öz üzərinə götürdüyünü təsdiq edir.

Həmin hissənin işarələnməsi istifadəçinin bu qaydaların bütün şərtlərini oxuduğunu, məzmununu başa düşdüyünü, onlarla razılaşdığını və göstərilən hallarda fərdi məlumatlarının toplanılmasına, işlənilməsinə və qanunvericiliklə yol verilən çərçivədə ötürülməsinə razılıq verdiyini ifadə edir.

Qaydalarla tanışlıq və qəbul təsdiqi olmadan sistem üzərindən alış əməliyyatının tamamlanması nəzərdə tutulmur.

3. Əsas anlayışlar

“Hesab” – İstifadəçinin aviabazaar.az platformasında qeydiyyatdan keçərək əldə etdiyi və xidmətlərdən istifadə hüququnu təmin edən şəxsi hesabdır.

“Sistem” – “AVİABAZAAR” MMC-yə məxsus olan, www.aviabazaar.az domenində yerləşən veb-platformadır.

“İstifadəçi” – platformanın aviabiletlərin axtarışı, bronlaşdırılması, alınması və digər xidmətlərindən istifadə edən fiziki şəxsdir.

“Şifrə” – İstifadəçinin sistemə giriş və özünü eyniləşdirmək üçün istifadə etdiyi məxfi simvollar toplusudur.

“Rezervasiya” – müəyyən uçuş və digər turizm xidmətləri üçün müvəqqəti yer saxlama əməliyyatıdır.

“Bilet” – sistemdə yer alan hava yolları, otellər, dəmiryolları və sair şirkətlər tərəfindən təklif edilən və istifadəçi tərəfindən əldə edilən sənəddir.

“Xidmət” – aviabiletin, otel nömrəsinin və digər turizm xidmətlərinin onlayn axtarışı, seçimi, ödənişi, elektron biletin təqdim olunması və sair imkanlardır.

“Məxfilik qaydaları” – Şirkət tərəfindən istifadəçinin fərdi məlumatlarının toplanması, saxlanması, işlənməsi və qanunvericiliklə yol verilən hallarda paylaşılması qaydalarını müəyyən edən hissədir.

4. Xidmətlərin predmeti

Bu qaydalar istifadəçinin AVİABAZAAR platformasında qeydiyyatdan keçməsi, şəxsi hesab yaratması və sistemdə təqdim olunan xidmətlərdən istifadə etməsi zamanı “AVİABAZAAR” MMC ilə İstifadəçi arasında yaranan münasibətlərin hüquqi əsaslarını müəyyən edir.

Platformada müxtəlif hava yolları üzrə beynəlxalq və yerli reyslər üçün aviabiletlərin axtarışı, seçilmiş uçuş üzrə birbaşa bilet alınması, əlavə xidmətlərə yönləndirmə, elektron poçt vasitəsilə biletin təqdim olunması, digər turizm xidmətləri və müştəri dəstəyi təqdim oluna bilər.

Şirkət təqdim olunan xidmətlərin siyahısını, funksiyalarını və istifadəyə dair şərtləri birtərəfli qaydada dəyişdirmək, genişləndirmək və ya məhdudlaşdırmaq hüququna malikdir.

5. İstifadəçinin hüquq və vəzifələri

İstifadəçi yalnız ona məxsus, düzgün, tam və aktual məlumatları sistemə təqdim etməli, platformadakı xidmətlərdən yalnız öz adından və qanuni məqsədlərlə istifadə etməlidir.

İstifadəçi platformanı cinayət yolu ilə əldə edilmiş vəsaitlərin leqallaşdırılması, terrorçuluğun maliyyələşdirilməsi və digər qeyri-qanuni fəaliyyətlər üçün istifadə etməməlidir.

Şəxsi şifrə və giriş məlumatlarını üçüncü şəxslərlə paylaşmaq və ya onların istifadəsinə şərait yaratmaq qəti qadağandır.

İstifadəçi özünə məxsus ödəniş vasitələrinin itirilməsi, oğurlanması və ya səlahiyyətsiz istifadə edilməsi hallarında dərhal Şirkəti məlumatlandırmalıdır.

İstifadəçi istənilən vaxt platforma vasitəsilə bu qaydalarla tanış olmaq hüququna malikdir.

Yanlış, natamam və ya saxta məlumatların təqdim edilməsindən doğan nəticələrə və mümkün zərərlərə görə istifadəçi tam məsuliyyət daşıyır.

6. Şirkətin hüquq və vəzifələri

Şirkət bu qaydalarda göstərilən xidmətlərin, o cümlədən aviabiletlərin onlayn satışı və digər turizm xidmətlərinin təqdim edilməsini təmin edir.

Şirkət qeydiyyat zamanı təqdim olunan məlumatların düzgünlüyünü yoxlamaq, əlavə autentifikasiya tədbirləri görmək, monitorinq və audit aparmaq hüququna malikdir.

Şirkət müəyyən hallarda xidmətlərin tam və ya qismən dayandırılması, dondurulması, məhdudlaşdırılması və ya ləğvi kimi tədbirlər həyata keçirə bilər.

Üçüncü tərəf hava yolları, otellər və digər tərəfdaşlar tərəfindən təqdim olunan xidmətlərin keyfiyyəti və icrası ilə bağlı yaranan bəzi problemlərdə şirkətin məsuliyyəti texniki və inzibati funksiyalarla məhdudlaşır.

7. Qeydiyyat və istifadəçi hesabı

Platforma vasitəsilə təqdim edilən xidmətlərdən istifadə etmək üçün tələb olunan məlumatlar daxil edilməli və müvafiq addımlar izlənilməlidir.

Xidmətlərdən istifadə zamanı istifadəçi tərəfindən təqdim edilən məlumatlar fərdi məlumatların mühafizəsinə dair qanunvericiliyin tələblərinə uyğun saxlanılır.

Sistem tərəfindən saxlanılan məlumatlar AVIABAZAAR MMC tərəfindən icarəyə götürülmüş və xarici ölkədə yerləşən serverlərdə saxlanılır. Serverlərin mülkiyyətçisi tərəfindən müvafiq məlumatların üçüncü şəxslərə ötürülməməsi barədə öhdəlik götürülür.

Şirkət tərəfindən sistem üzərindən xidmət göstərilmiş şəxslərin saxlanılmış məlumatlarına əsasən hesabların avtomatlaşdırılmış qaydada aktivləşdirilməsi həyata keçirilə bilər.

Hesabların istifadəsi ilə bağlı əlavələr funksionallıq aktivləşdirilmədən öncə bu qaydalara əlavə ediləcəkdir.

Şirkət əsas göstərmədən istənilən şəxsi sistemdə qeydiyyata almaqdan imtina etmək hüququna malikdir.

8. Fərdi məlumatların toplanılması və işlənilməsi

Azərbaycan Respublikasının qanunvericiliyi ilə fərdi məlumatların məcburi şəkildə toplanılması və işlənilməsi halları istisna olmaqla, hər hansı şəxs barəsində fərdi məlumatların toplanılmasına və işlənilməsinə yalnız qanunvericiliklə yol verilən əsaslarla icazə verilir.

İstifadəçi bu qaydaları qəbul etməklə “Aviabazaar” MMC vasitəsilə şəxsiyyət vəsiqəsi və ümumvətəndaş pasportu məlumatlarının aviabazaar.az sistemində qeydiyyat və digər xidmətlərdən istifadə zamanı yoxlanıla biləcəyini qəbul edir.

Şirkət aşağıdakı məlumatları toplaya bilər: ad, soyad, doğum tarixi; əlaqə vasitələri; şəxsiyyət vəsiqəsi məlumatları; ümumvətəndaş pasportu məlumatları; ödəniş məlumatları; giriş məlumatları, o cümlədən IP ünvanı, cihaz tipi və brauzer məlumatları.

Toplanmış məlumatlar xidmətlərin göstərilməsi və təkmilləşdirilməsi, istifadəçinin identifikasiyası və autentifikasiyası, hüquqi öhdəliklərin yerinə yetirilməsi, analitika və istifadəçi təcrübəsinin yaxşılaşdırılması, promosyon və kampaniyaların həyata keçirilməsi və istifadəçinin məlumatlandırılması məqsədləri üçün istifadə oluna bilər.

Şirkət şəxsi məlumatları üçüncü tərəflərlə yalnız qanunvericilikdə nəzərdə tutulduqda, istifadəçinin açıq razılığı olduqda və ya ödəniş xidmətləri və texniki dəstək üçün əməkdaş tərəfdaşlarla müvafiq müqavilələr əsasında paylaşa bilər.

Şirkət “cookie” fayllarından və digər izlənmə texnologiyalarından istifadə etməklə istifadəçinin onlayn əməliyyatları və internet saytının təhlükəsizliyi ilə bağlı məlumatları toplaya bilər.

İstifadəçinin onlayn əməliyyatları üzrə məlumat və Şirkətin istifadəçi barədə malik olduğu digər məlumatlar onlayn reklam kampaniyalarının effektivliyinin qiymətləndirilməsi, internet saytının funksionallığının təhlili, istifadəçinin maraq və ehtiyaclarının anlaşılması, xüsusi onlayn təcrübənin təqdim edilməsi və istifadəçini maraqlandıra biləcək məhsul və xidmətlər barədə məlumatlandırılması üçün istifadə oluna bilər.

İstifadəçinin məlumatları transsərhəd yolu ilə köçürülməklə ölkə xaricində yerləşən serverlərdə saxlanıla bilər.

İstifadəçinin fərdi məlumatlarının qanunvericiliyin tələbi istisna olmaqla üçüncü şəxslərə ötürülməməsinə görə AVIABAZAAR MMC məsuliyyət daşıyır.

İstifadəçi məlumatlarının silinməsi və düzəldilməsi üçün müraciət etmək, məlumatların işlənməsi ilə bağlı məlumat almaq və istənilən vaxt bu qaydalarla tanış olmaq hüququna malikdir.

9. Ödəniş şərtləri

Xidmət haqqı tutulduqda və ya valyuta mübadiləsi tətbiq edildikdə, həmin xidmət haqqı və ya məzənnə barədə istifadəçiyə ödəniş sərəncamından öncə aviabazaar.az vasitəsilə məlumat təqdim edilir.

İstifadəçi sərəncamı təsdiq etməklə həmin xidmət haqları və ya valyuta məzənnəsinə razılığını bildirmiş olur.

aviabazaar.az platformasında edilən bütün ödənişlər tərəfdaş ödəniş sistemləri, banklar və ya ödəniş provayderləri vasitəsilə həyata keçirilir.

Ödəniş təsdiqləndikdən sonra sifariş sistemdə qeydə alınır və təsdiq e-poçtu ilə göndərilir.

10. Texniki problemlər və sənədlərin göndərilməsi

Platformada texniki nasazlıq və ya sistem çöküşləri səbəbilə sifarişin qeydə alınmaması, ləğvi və ya gecikməsi hallarında AviaBazaar MMC məsuliyyət daşımır. Belə hallarda istifadəçiyə yalnız imkan daxilində alternativ təkliflər təqdim edilə bilər.

Şirkət sistemdə həyata keçirilən texniki dəyişiklik və yenilənmələr barədə istifadəçiləri əvvəlcədən xəbərdar etmək üçün maksimum səy göstərir.

Elektron bilet və təsdiq sənədləri yalnız istifadəçinin təqdim etdiyi elektron poçt ünvanına göndərilir.

Yanlış və ya keçərsiz e-poçt ünvanı, eləcə də digər yanlış məlumat nəticəsində sifariş təsdiqinin alınmaması və ya əlavə xərclərin yaranmasına görə istifadəçi məsuliyyət daşıyır.

11. Kampaniyalar və məhdudiyyətlər

AviaBazaar MMC zaman-zaman platforma istifadəçiləri üçün reklam və tanıtım məqsədli kampaniyalar, lotereyalar və ya mükafatlı oyunlar keçirmək hüququna malikdir.

Kampaniyalar zamanı toplanan şəxsi məlumatlar yalnız kampaniyanın keçirilməsi və qalibin müəyyən edilməsi məqsədi ilə istifadə olunur və qanunvericiliklə tələb olunan hallar istisna olmaqla üçüncü şəxslərə ötürülmür.

Kampaniyada iştirak hüququ yalnız bir nəfər üçün bir dəfə nəzərdə tutulur. Eyni şəxsin bir neçə dəfə iştirak etməsi aşkar edilərsə, Şirkət həmin iştirakçını kampaniyadan uzaqlaşdırmaq hüququna malikdir.

Qalibə təqdim olunan mükafat mövcud uçuş qrafikinə və yer mövcudluğuna əsasən müəyyən edilir və tərəfdaş hava yollarının dəyişiklikləri və ya ləğvləri ilə bağlı Şirkət məsuliyyət daşımır.

12. Əqli mülkiyyət

Xidmətlərə aid bütün mətnlər, şəkillər, illüstrasiyalar, proqram təminatı, HTML kodları, audio və video materiallar, əmtəə nişanları, loqolar və digər işlər Şirkətin mülkiyyətidir.

Şirkətin yazılı icazəsi olmadan bu materialların bütövlükdə və ya qismən yenidən işlənməsi, yüklənməsi, yerləşdirilməsi, ötürülməsi, paylaşdırılması və ya dəyişdirilməsi yolverilməzdir.

13. Tətbiq olunan qanunvericilik və mübahisələrin həlli

Bu qaydalarda xüsusi olaraq qeyd olunmayan bütün məsələlər Azərbaycan Respublikasının qanunvericiliyinə uyğun şəkildə tənzimlənir.

Xidmətlərə daxil olma, onlardan istifadə etmə və ya bu qaydalar ilə bağlı hər hansı mübahisələr yarandıqda, tərəflər belə mübahisələri ilk növbədə danışıqlar yolu ilə həll etməyə çalışmalıdır.

Danışıqlar başlayan andan etibarən 30 gün ərzində mübahisə həll edilməzsə, hər bir tərəf Azərbaycan Respublikasının məhkəmələrinə müraciət edə bilər.